Դեկորատիվ կիրառական արվեստ (Խեցեգործություն)

ՀԳՊԱ-ն, կարևորելով ազգային արժեքների պահպանումը, կիրառական արվեստի տարբեր ոլորտներին բնորոշ ուսուցման ավանդական մեթոդների կիրառման միջոցով, ձգտում է ստեղծել նորը հայկական մշակույթն ամբողջ աշխարհին ներկայանալի և ճանաչելի դարձնելու համար: ՀԳՊԱ-ն առաջարկում է «Խեցեգործություն» բակալավրի և մագիստրատուրայի կրթական ծրագրեր պատրաստելով ոլորտում ստեղծագործական վառ գաղափարներով լի բարձր որակավորմամբ մասնագետներ:

 

 

Աշխատանքը լաբորատորիաներում

 

«Խեցեգործություն» կրթական ծրագրի արդյունավետ իրականացման համար ուսուցումը կազմակերպվում է լսարաններում, լաբորատորիաներում, ինչպես նաև մասնագիտական այլ կառույցներում: Ուսանողները հնարավություն ունեն աշխատել լաբորատորիաներում՝ կիրառելով ձեռք բերած գիտելիքներն ու հմտությունները նախագծերի շուրջ աշխատելիս:

 

Ուսման ընթացքում ուսանողներն այցելում են գործատուների՝ ծանոթանալով աշխատանքային միջավայրին և գործընթացին:

 

 

Պրոֆեսորադասախոսական և վարչական կազմը

 

Կրթական ծրագրի հաջող և արդյունավետ իրականացումը ապահովում է ոլորտում առաջատար և մասնագիտական որակներ ունեցող պրոֆեսորադասախոսական և վարչական անձնակազմը: Կրթական ծրագրում դասավանդում են ոլորտում երկար տարիների փորձ ունեցող պրոֆեսորներ, ինչպես նաև մասնագիտական որակներ ունեցող երիտասարդ դասախոսներ:

 

 

Շրջանավարտները

 

«Խեցեգործություն» կրթական ծրագրի շնորհիվ շրջանավարտները դառնում են առաջատար իրենց ոլորտում՝ միավորելով տեսական գիտելիքները, ստեղծագործելու ունակությունները և տեխնիկական հնարավորությունները:

 

 

Բակալավրի կրթական ծրագիր (4 տարի, 240 կրեդիտ)

 

Խեցեգործություն բակալավրի կրթական ծրագրի առաքելությունն է, պատրաստել կիրառական արվեստի ոլորտում ազգային և միջազգային մակարդակներում մրցունակ և բարձր որակավորմամբ մասնագետներ, որոնք իրենց ներդրումը կունենան կիրառական արվեստի ոլորտի արտադրության գործում՝ մասնավորապես խեցեգործության և արտադրության ոլորտներում՝ նպաստելով ազգային մշակութի և տնտեսության աճին, ինչպես նաև հասարակության գեղագիտական ճաշակի բարձրացմանը:

 

 

Ուսումնառության վերջնարդյունքները

 

«Խեցեգործություն» բակալավրի կրթական ծրագիրը հաջող ավարտելիս շրջանավարտը պետք է.

 

1. Ցուցաբերի արվեստի և խեցեգործության պատմության տեսությունների, մեթոդների իմացություն ու առաջադեմ գիտելիք խեցեգործական տարաբնույթ աշխատանքներ ստեղծելիս և խնդիրներ լուծելիս։

 

2. Ցուցաբերի կիրառական արվեստի ոլորտում առկա հին և նորագույն տեխնիկաների և տեխնոլոգիաների կիրառման հմտություններ, որոնց միջոցով կիրականացնի ստեղծագործական նախագծեր՝ առաջարկելով նոր մեթոդներ և մոտեցումներ։

 

3. Ցուցաբերի խեցեգործական աշխատանքների մասին գրավոր և բանավոր մասնագիտական և ոչ մասնագիտական հանրությանը ներկայացնելու հմտություններ։

 

4. Խեցեգործության ոլորտում մասնագիտական տարբեր խնդիրներ լուծելու նպատակով տիրապետի ժամանակակից ծրագրային տարբեր համակազմերի, որոնք հնարավորություն կտան տեղադրել կատարված աշխատանքը տարբեր միջավայրերում և ներկայացնել տեղեկատվության և հաղորդակցման նոր տեխնոլոգիաներով։

 

5. Ցանկացած խեցեգործական աշխատանքի մեջ ներդնի ստեղծագործական և կատարողական հմտություններ՝ ցուցաբերելով վերլուծական, քննադատական, այլընտրանքային լուծումների առաջադրման և արդյունքների գնահատման կարողություններ։

 

6. Նախագծի և մշակի խեցեգործական, ինչպես նաև ապակու գեղարվեստական ձևավորման աշխատանքների էսքիզներ` կիրառելով կոմպոզիցիոն հիմունքներ և օրենքներ, լուսածավալային մեթոդներ, աշխատանքի ճշգրիտ տեղադրում, մասշտաբային հարաբերակցության խնդիրներ և գեղագիտության սկզբունքներ` հաշվի առնելով խեցեգործական ոլորտի նորարարության, կատարողական և ստեղծագործական առաջընթացի վրա ազդեցություն ունեցող ֆիզիկական, մտավոր, մշակութային, սոցիալական ու անձնային գործոնները։

 

7. Մշակի և վերարտադրի ստեղծագործական նախագծեր ու նոր գաղափարներ՝ խեցեգործական աշխատանքների միջոցով պահպանելով տեխնիկական և տեխնոլոգիական ողջ ընթացքը, կիրառելով կավե զանգվածի պատրաստման և ճիշտ չորացման եղանակները, թրծման մեթոդները, կավաներկը, ջնարակը և վերջնարակը։

 

8. Անհատական և/կամ թիմային աշխատանքներ կատարելիս կարողանա ինքնուրույն որոշումներ ընդունել, ինչպես նաև արդյունավետ աշխատել թիմում։

 

9. Ծավալի մասնագիտական լիարժեք գործունեություն՝ պահպանելով ազգային մշակութային արժեքները, և պատասխանատվություն կրի կատարած անհատական աշխատանքի համար, որտեղ կլինեն մշակութային հնագույն արժեքներ` նորարարական մոտեցմամբ:

 

 

Կրթական միջավայր

 

ՀԳՊԱ-ն ապահովում է ուսանողների համար այնպիսի աշխատանքային միջավայր, որը թույլ է տալիս զարգացնել մասնագիտական և ստեղծագործական կարողությունները: «Խեցեգործություն» կրթական ծրագրի ուսանողները ակտիվ ներգրաված են բուհի գործունեության մեջ:

 

«Դեկորատիվ կիրառական արվեստ (խեցեգործություն)» բակալավրի կրթական ծրագրի արդյունավետ իրականացման համար ուսուցումը կազմակերպվում է լսարաններում, լաբորատորիաներում, ինչպես նաև մասնագիտական այլ կառույցներում:

 

Կրթական ծրագրում մեծ տեղ է հատկացվում ուսանողի ինքնուրույն աշխատանքին՝ որպես վերջինիս ուսուցման լավագույն ձևի՝ նպաստելով անհրաժեշտ գիտելիքի և հմտությունների ձեռքբերմանը: Կրթական ծրագրում գերակշռում է անհատական մոտեցումը յուրաքանչյուր ուսանողի նկատմամբ:

 

Որդեգրելով դասավանդման և ուսուցման ակտիվ և ինտերակտիվ մեթոդներ՝ կրթական ծրագրում մեծ տեղ ու դեր է հատկացվում ներառական մոտեցումների կիրառմանը՝ ապահովելով դասավանդման և ուսումնառության հավասար և անաչառ պայմաններ բոլոր ուսանողների համար:

 

 

Ուսումնական պլանը (2021-2022 ուս. տարի)

 

«Խեցեգործություն» կրթական ծրագրով դասավանդումը և ուսումնառության ավանդական և ժամանակակից մոտեցումների և մեթոդների համակցումը հնարավորություն է տալիս ուսանողներին ձեռք բերել համապարփակ գիտելիք ուսումնասիրվող թեմայի շուրջ, ինչպես նաև զարգացնել համապատասխան հմտություններ ուսումը կրթության հաջորդ աստիճանում շարունակելու, ինչպես նաև աշխատաշուկայում որպես մասնագետ ներկայանալու համար:

 

 

I տարի

 

Ուսուցման առաջին տարին միտված է ծանոթացնելու մասնագիտության բովանդակությանը՝ ուսանողներին հնարավորություն տալով ձեռք բերել խեցեգործության վերաբերյալ առաջնային տեսական ու գործնական գիտելիք և հմտություններ:

 

 

II տարի

 

Ուսուցման երկրորդ տարին միտված է խորացնելու և զարգացնելու արդեն իսկ ձեռքբերված գիտելիքներն, ինչպես նաև ձևավորելու և հմտացնելու ուսանողների տեխնիկական մասնագիտական կարողությունները։ Ուսանողը կկարողանա նախագծել դեկորատիվ կլոր քանդակի և խճանկարի էսքիզներ, ինչպես նաև պատրաստել առաջադրանքները՝ կիրառելով գեղարվեստական մշակում, կլոր քանդակի պատրաստման եղանակներ, խճանկարի տարատեսակ մեթոդներ, կավաներկ, ջնարակ, չորացում և թրծում:

 

 

III տարի

 

Ուսուցման երրորդ տարին ուսանողներին հնարավորություն կտա զարգանալ որպես թիմային աշխատող: Այստեղ նրանք ձեռք կբերեն խեցեգործի համար կարևոր վերլուծական և հետազոտական գիտելիքներ և կտիրապետեն դրա համար անհրաժեշտ գործիքակազմին:

 

Տվյալ մակարդակը հնարավորություն է տալիս ուսանողին ինտեգրվել աշխատանքային միջավայր, աշխատել իրական շուկայի պահանջներից բխող նախագծերի շուրջ:

 

 

IV տարի

 

Ուսուցման չորրորդ տարում ուսանողները կաշխատեն նախապես սահմանված և առաջադրված ավարտական աշխատանքի շուրջ, որն ուղղորդելու է ղեկավար դասախոսը: Ավարտական տարում ուսանողները կիրականացնեն սեփական ամփոփիչ նախագիծը՝ հաշվի առնելով աշխատանքի համար անհրաժեշտ ու կարևոր բոլոր շրջափուլերը:

 

 

Մոդուլները

 

 

I տարի

 

• Արվեստի և խեցեգործության պատմություն 1
• Նախագծում 1
• Նկարչություն 1
• Հայոց պատմություն/Էկոլոգիա
• Նախագծում 2
• Նկարչություն 2
• Արվեստի և խեցեգործության պատմություն 2
• Հաղորդակցություն 1

 

 

II տարի

 

• Նախագծում 3
• Նկարչություն 3
• Հաղորդակցություն 2
• Նախագծում 4
• Նկարչություն 4
• Կամընտրական դասընթացներ 1

 

 

III տարի

 

• Նախագծում 5
• Նկարչություն 5
• Միջոլորտային նախագիծ
• Նախագծում 6
• Նկարչություն 6
• Կամընտրական դասընթացներ 2
• Կամընտրական դասընթացներ 3

 

 

IV տարի

 

• Նախագծում 7
• Նկարչություն 7
• Կամընտրական դասընթացներ 4
• Ավարտական ամփոփիչ աշխատանք

 

 

Կամընտրական դասընթացներ

 

Կրթական ծրագրի բոլոր ուսանողները ուսման երկրորդ տարվա երկրորդ կիսամյակից հնարավորություն ունեն ընտրելու մասնագիտական խորացված կամ հարակից ոլորտների դասընթացներ, որոնք կզարգացնեն ընդհանրական և ոլորտին հատուկ կարողություններն ու հմտությունները:

 

 

Ընդունելության պահանջները

 

«Խեցեգործություն» բակալավրի կրթական ծրագրի ընդունելության պահանջներին և ընթացակարգին կարելի է ծանոթանալ այստեղ: