Բակալավրի կրթական ծրագրերի 2026-2027 ուսումնական տարվա ընդունելության հայտագրումը

Բակալավրի կրթական ծրագրերի 2026–2027 ուսումնական տարվա ընդունելության հայտագրումը կիրականացվի հետևյալ ժամկետում․

Սույն թվականի ապրիլի 15-ից մինչև մայիսի 10-ը Հայաստանի Հանրապետության հանրակրթական, նախնական կամ միջին մասնագիտական ուսումնական հաստատությունների տվյալ տարվա և նախորդ տարիների շրջանավարտ դիմորդների հայտագրումը անցկացվում է առցաց։

Դիմորդը բուհը և մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննությունները հանձնելու, կամ հանձնած քննությունները մուտքագրելու համար պետք է ունենա ԳԹԿ անձնական համար և ապրիլի 15-ից մինչև մայիսի 10-ը առցանց եղանակով Գնահատման և թեստավորման կենտրոնի https://dimord.am/ կայքէջում լրացնի ընդունելության դիմում-հայտ:

ԳԹԿ անձնական համար ստանալու համար շրջանավարտը (դիմորդը) դիմում է իր ուսումնական հաստատության տնօրենին, իսկ նախորդ տարիների և 2025-2026 ուստարվա նախնական և միջին մասնագիտական ուսումնական հաստատությունների շրջանավարտները դիմում են իրենց բնակության վայրի՝ այդ նպատակով առանձնացված ուսումնական հաստատության տնօրենին: Առանձնացված ուսումնական հաստատությունների ցանկը ներկայացված է այստեղ:

Ընդունելության դիմում-հայտը լրացնելու համար անհրաժեշտ է՝

• Էլեկտրոնային լուսանկար (3×4 չափ)
• Անձնագրի կամ ծննդյան վկայականի պատճենը
• Ընդունելության քննությունների վճարի էլեկտրոնային կտրոնը (տե՛ս ստորև)

2026-2027 ուսումնական տարում բակալավրի կրթական ծրագրով ՀԳՊԱ ընդունվելու համար դիմորդները մասնակցում են ներբուհական քննությունների հետևյալ մասնագիություններով՝

• «Գեղանկարչություն» 
• «Գրաֆիկա» 
• «Քանդակագործություն» 
• «Դիզայն»
• «Համակարգչային գրաֆիկա»  
• «Հագուստի մոդելավորում» 
• «Դեկորատիվ կիրառական արվեստ» 

Հանձնում են ներբուհական քննություններ հետևյալ առարկաներից՝

• «Գծանկարչություն»
• «Գունանկարչություն»
• «Կոմպոզիցա»

2026-2027 ուսումնական տարում բակալավրի կրթական ծրագրով ՀԳՊԱ ընդունվելու համար դիմորդները մասնակցում են միասնական քննությունների՝

• «Արվեստաբանություն» մասնագիտությամբ

Հանձնում են միասնական քննություններ հետևյալ առարկաներից՝

• «Հայոց լեզու և հայ գրականություն»
• «Հայոց պատմություն» կամ «Օտար լեզու»

Ներբուհական քննություն հանձնող դիմորդների ընդունելության ծառայությունների համար սահմանված գումարը (1500-ական ՀՀ դրամ յուրաքանչյուր քննության համար) վճարում են ՀԳՊԱ հաշվեհամարին

«ՀԳՊԱ»  հիմնադրամ
ՀՀ, Երևան, Իսահակյան 36
հ/հ 1570083996590100 «Ամերիաբանկ» ՓԲԸ
ՀՎՀՀ 01505555

Փոխանցման տվյալներում պարտադիր պետք է նշել.

• Դիմորդի անունը, ազգանունը, հայրանունը
• Մասնագիտությունը
• Նպատակը դաշտում նշել ընդունելության քննությունների վճար

Ներբուհական քննությունների վճարից ազատվում են․

• Ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության կամ ֆունկցիոնալության ծանր կամ խորը աստիճանի սահմանափակում ունեցող զինվորական կենսաթոշակի իրավունք ունեցող նախկին զինծառայողները, ինչպես նաև զոհված (մահացած) զինծառայողների ծնողները, ամուսինը (կինը), մինչև 27 տարեկան զավակները։
• 1-ին և 2-րդ խմբերի հաշմանդամություն ունեցող անձինք և մինչև 18 տարեկան հաշմանդամ երեխաները կամ ֆունկցիոնալության ծանր և խորը աստիճանի սահմանափակում ունեցող անձինք (երեխաները)։
• Առանց ծնողական խնամքի մնացած՝ մինչև 23 տարեկան երեխաները։
• Մարտական հերթապահություն իրականացնող զորամասերում պարտադիր ժամկետային զինվորական ծառայություն անցած և զորացրված դիմորդները՝ զորացրվելուց հետո մեկ տարվա ընթացքում։

Թվարկված խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ ՆԳ նախարարության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:

Հարցերի դեպքում կարող եք գրել՝ admissions@fineart.ac.am էլ․ հասցեին, Ընդունելության և դիմորդների հետ աշխատանքների կենտրոն։