«Ռուսաստանը և աշխարհը» միջազգային գիտաժողով
ԵՊՀ միջազգային հարաբերությունների ֆակուլտետի Պալեանների անվան դահլիճում տեղի ունեցավ «Ռուսաստանը և աշխարհը․ երկխոսություններ – 2023: Նպատակներ և արժեքներ» խորագրով միջազգային գիտաժողովը, որը ԵՊՀ Միջազգային հարաբերությունների ֆակուլտետի Ռուսաստանյան հետազոտությունների կենտրոնի հետ համատեղ կազմակերպել էր Մոսկվայի հաղորդակցությունների զարգացման ազգային հետազոտական ինստիտուտը (ՀԶԱՀԻ): Զեկույցներով հանդես եկան հեղինակավոր գիտնականներ ու փորձագետներ Երևանից, Մոսկվայից և Թբիլիսիից:
Քաղաքական, ռազմավարական, տնտեսական և մի շարք այլ համագործակցային հարցերի հետ մեկտեղ շոշափվեցին նաև հայ-ռուսական մշակութային կապերը։ Գիտաժողովի շրջանակում հավաստագրեր հանձնվեցին «Հայ-ռուսական ռազմավարական դաշինք. պատմություն, արդի վիճակ և տեսանելի հեռանկարներ» խորագրով երիտասարդ գիտնականների և ասպիրանտների լավագույն հոդվածների ու լավագույն ուսանողական գիտական աշխատանքների մրցույթների հաղթողներին, որոնց շարքում էր նաև ՀՊԳԱ-ի Հետազոտական կենտրոնի ղեկավար Գագիկ Ավետիսյանը՝ «Հայ-ռուսական մշակութային հարաբերությունների պատմությունից (Բոգդան Սալթանով)» հոդվածի համար։
