Էրազմուս+ միջազգային կրեդիտային շարժունության ծրագրի շրջանակներում
Հայաստանի գեղարվեստի պետական ակադեմիայի կերպարվեստ մասնագիտության գեղանկարչություն կրթական ծրագրի 2-րդ կուրսի ուսանող Սամվել Հակոբյանը տվյալ տարվա (2023-2024 ուս․ տարի) 2-րդ կիսամյակը անց է կացրել Էգեր քաղաքի Կ․ Էստերազիի անվ․ Կաթոլիկ Համալասարանում Էրազմուս+ միջազգային կրեդիտայի շարժունության ծրագրի շրջանակներում։
Ստորև ներկայացնում ենք Սամվել Հակոբյանի և Լիլյա Գալստյանի տպավորությունները վերոնշյալ համալսարանում մեկ կիսամյակ ուսումնառությունից հետո։
Հունգարիայի Էգեր քաղաքի Կարոյ Էստերհազիի անվան կաթոլիկ համալսարանում փոխանակման ծրագրին որպես արվեստի ուսանող մասնակցելը տրանսֆորմատիվ փորձառություն է եղել ինձ համար: Այդ հմայիչ քաղաքը, որը հայտնի է իր հարուստ պատմությամբ և կենսունակ մշակույթով, կատարյալ միջավայր էր իմ գեղարվեստական աճի համար:
Էգերում բնակվելու ամենահետաքրքիր կողմերից մեկը արվեստի տարբեր ձևերի մեջ խորամուխ լինելու հնարավորությունն էր: Թեև իմ հիմնական ուշադրությունը եղել է նկարչության ավանդական տեխնիկայի վրա, համալսարանի ուսումնական ծրագիրն ինձ ծանոթացրեց նոր և հետաքրքիր մեթոդների հետ: Առաջին անգամ սովորեցի կոլաժ պատրաստելու բարդ արվեստը: Այս տեխնիկան իր շերտավոր տարբեր մակերեսներով և ստեղծագործական ազատությամբ ինձ համար բացեց գեղարվեստական արտահայտման նոր տիրույթ: Բացի այդ, ես հնարավորություն ունեցա այցելել Գրաֆիկայի բաժին և անձամբ ականատես լինել, թե ինչպես է ստեղծվում գրաֆիկական արվեստը, որն ընդլայնեց իմ պատկերացումները գեղարվեստական աշխարհի վերաբերյալ:
Տարբեր ազգերի ներկայացուցիչ ուսանողների հետ շփվելը չափազանց կարևոր էր մշակութային տարբերությունները ընդունելու և ավելի բաց լինելու դրանց հանդեպ: Ես երկարատև բարեկամություն հաստատեցի Հունգարիայից և աշխարհի տարբեր ծայրերից ժամանած ուսանողների հետ, ինչը մեծապես հարստացնող փորձառություն եղավ, հնարավորթյուն տալով խորապես ծանոթանալու նրանց սովորույթներին և ավանդույթներին: Անմոռանալի իրադարձություններից մեկը, որը տեղի ունեցավ «Art Camp»-ի ընթացքում, Հայկական ուտեստի՝ տոլմայի պատրաստումն էր, որը բացի մեր մշակութային ժառանգության՝ եկեղեցիների, պատմական այլ հուշարձանների մասին զրույցներ ունենալուց, եղանակներից մեկն էր մեր մշակույթը այլազգի ուսանողներին ներկայացնելու և Հայաստանի հանդեպ հետաքրքրություն առաջացնելու համար: Դրանք իրապես մշակութային փոխանակման գեղեցիկ պահեր էին:
Էգերում ապրելը նաև թույլ տվեց ինձ խորասուզվել հունգարական մշակույթի մեջ: Քաղաքի պատմական վայրերը, գույնզգույն գեղջկական կտուրներով շինությունները, քաղաքի ակտիվությունը անսահման ոգեշնչել են իմ արվեստին: Տեղական հաճախակի տեղի ունեցող աշխույժ փառատոները և մարդկանց ջերմ հյուրընկալությունը իմ ժամանակն Էգերում էլ ավելի հիշարժան դարձրին: Հյուրընկալության արտահայտման ամենավառ դրսևորումը, մասնավորապես գյուղերում, իրենց ազգային ալկոհոլային խմիչքը՝ Pálinka-ն, առաջարկելն էր։
Այսպիսով, փոխանակման ծրագիրն Էգերում գեղարվեստական և անձնական աճի անհավանական ճանապարհորդություն էր: Ունեցած փորձառությունները, սովորած հմտությունները և ձեռք բերած ընկերությունները անջնջելի հետք են թողել իմ կյանքում: Էգերն իր հարուստ մշակութային պատմությամբ և հյուրընկալ համայնքով միշտ իր ուրույն տեղն է ունենալու իմ սրտում:
Սամվել Հակոբյան
ՀԳՊԱ-ի Գեղանկարչության բաժնի բակալավրի 2-րդ կուրսի ուսանող
«Հունգարիայում մեկ կիսամյակ սովորելու փորձառությունը մեծ ազդեցություն ունեցավ իմ ստեղծագործական զարգացման վրա:
Էգերի համալսարանը տպավորեց ինձ իր բազմազանությամբ և հարուստ մշակութային միջավայրով: Այստեղ հանդիպեցի տաղանդավոր ուսանողների և դասախոսների, ովքեր ինձ ոգեշնչեցին նոր գաղափարներով և մոտեցումներով զարգացնելու իմ գեղանկարչությունը: Համալսարանի ստուդիաները հնարավորություն տվեցին ինձ աշխատել և ուսումնասիրել տարբեր նյութերով
ու տեխնիկաներով:
Հունգարիայում անցկացրած ժամանակս թույլ տվեց ինձ նոր մշակույթին ծանոթանալ, ընդլայնել իմ աշխարհայացքը և ձեռք բերել նոր ընկերներ: Էգեր քաղաքի գեղեցկությունն ու պատմական վայրերը ներշնչեցին ինձ։ Հատկապես տպավորված եմ Էգերի գեղեցիկ բնապատկերների տեսարաններով. քաղաքի եկեղեցիները, սրահներն ու փողոցները հիանալի միջավայր էին
ստեղծագործելու և ուսումնասիրելու համար:
Այս փոխանակման ծրագիրը նպաստեց իմ անձնական և մասնագիտական զարգացմանը: Իմ փորձառությունը Էգերում սովորեցրեց ինձ լինել ավելի ինքնուրույն, ճկուն և պատրաստ ընդունելու նոր մարտահրավերներ: Համալսարանում անցկացրած ժամանակն ինձ հնարավորություն տվեց նաև այցելելու տարբեր մշակութային միջոցառումների:
Իմ փոխանակման ծրագրի փորձառությունը Հունգարիայում չսահմանափակվեց միայն գեղանկարչությամբ: Այնտեղ սովորեցի նաև նոր լեզու և ծանոթացա նոր մշակույթի հետ, որոնք հարստացրեցին իմ ընդհանուր գիտելիքները և հմտությունները: Ինչպես նաև հնարավորություն եմ ունեցել այցելել Իտալիա, Ֆրանսիա և իհարկե շատ այլ վայրեր Հունգարիայում ինչը դեռ երկար ժամանակ
մեծ ազդեցություն կունենա իմ ստեղծագործական կյանքում:
Այս փորձառությունն ամրապնդեց իմ հավատը, որ արվեստը ունի ուժ՝ միավորելու մարդկանց տարբեր մշակույթներից և աշխարհայացքից: Շնորհակալ եմ այս հնարավորության համար և հույս ունեմ, որ ապագայում կունենամ ավելի շատ նմանատիպ փորձառություններ»:
Լիլյա Գալստյան
ՀԳՊԱ-ի Գեղանկարչության բաժնի բակալավրի 3-րդ կուրսի ուսանող
Read More
Erasmus+ mobility to Hungary, Eger
Samvel Hakobyan and Lilya Galstyan participated in the Erasmus+ ICM and spent the 2nd semester of 2023-2024 ac. year at Eszterházy Károly Catholic University in Eger, Hungary. Here are their impressions from their short-period studies at the above-mentioned institution.
“My experience of studying for one semester in Hungary, Eger, Eszterhazy Karoly Catholic University, had a significant impact on my creative development.
The University of Eger impressed me with its diversity and rich cultural environment. Here, I met talented students and professors who inspired me to develop new ideas and use new approaches in my painting. The university studios gave me the opportunity to work and explore different materials and techniques.
The time spent in Hungary allowed me to get to know a new culture, broaden my worldview, and make new friends. The beauty and historical sites of Eger inspired me, particularly the beautiful landscapes of Eger. The city, its churches, halls, and streets provided an excellent environment for creating and studying.
This exchange program contributed to my personal and professional development. My experience in Eger taught me to be more independent, flexible, and ready to accept new challenges. The time spent at the university also gave me the opportunity to attend various cultural events.
My experience as a Erasmus+ mobility programme student in Hungary was not limited to painting. There, I also learned a new language and cultural traditions, which enriched my overall knowledge and skills. I also had the opportunity to visit Italy, France, and, of course, many other places in Hungary, which will have a significant impact on my creative life for a long time.
This experience reinforced my belief that art has the power to unite people from different cultures and perspectives. I am grateful for this opportunity and hope to have more similar experiences in the future”.
Lilya Galstyan
3rd-year student at BA Painting
“Participating in the Erasmus+ ICM as an art student at Eszterházy Károly Catholic University in Eger, Hungary, was a transformative experience for me. This charming city, known for its rich history and vibrant culture, was the perfect environment for my artistic growth.
One of the most interesting aspects of living in Eger was the opportunity to delve into various forms of art. Although my main focus was on traditional painting techniques, the university’s curriculum opened up new and exciting methods for me. For the first time, I learned the intricate art of collage-making. With its layered surfaces and creative freedom, this technique opened a new realm of artistic expression for me. Additionally, I had the chance to visit the Graphics Department and witness firsthand how graphic art is created, which broadened my understanding of the artistic world.
Interacting with students from different nations was crucial for accepting cultural diversities and being more open to them. I established long-lasting friendships with students from Hungary and various parts of the world, which was a greatly enriching experience, allowing me to deeply acquaint myself with their customs and traditions. One unforgettable event that took place during the “Art Camp” was the preparation of the Armenian dish, tolma. Besides having conversations about our cultural heritage, churches, and other historical monuments, making tolma was one of the ways to introduce our culture to international students and spark interest towards Armenia. These were truly beautiful moments of cultural exchange.
Living in Eger also helped me to easily immerse myself in Hungarian culture. The city’s historical sites, colourful buildings with their quaint roofs, and the city’s vibrancy endlessly inspired my art. The lively local festivals and the warm hospitality of the people made my time spent in Eger even more memorable.
Thus, the exchange program in Eger was an incredible journey of artistic and personal growth. The experiences I had, the skills I learned, and the friendships I made have left an indelible mark on my life. Eger, with its rich cultural history and welcoming community, will always hold a special place in my heart”.
Samvel Hakobyan
2nd-year student at BA in Painting
ՀԱՅՏԱՐԱՐՈՒԹՅՈՒՆ
Սիրելի ուսանողներ և աշխատակիցներ,
ՀՀ Ֆրանսիայի դեսպանատան հովանավորությամբ, Հայաստանի գեղարվեստի պետական ակադեմիան իրականացնելու է նոր ծրագիր Ֆրանսիայի մշակութային ժառանգության պահպանման ազգային ինստիտուտի հետ։ Այս կրթական ծրագիրը ներառում է ուսուցում, վերապատրաստում (formation) երեք ուղղություններով ՝ ռեստավրատորի, թանգարանների և գրադարանների համադրողի։
Ծրագիրը կյանքի կոչելու համար հայտարարվում է մրցույթ այն ուսանողների և աշխատակիցների միջև, որոնք տիրապետում են ֆրանսերեն լեզվին, (A1, A2, B1, B2 մակարդակներին համապատասխան)։ Եթե անգամ ունեք անգլերեն լեզվի B1, B2 մակարդակ և պատրաստ եք սովորելու ֆրանսերեն, անգլերենի հիմքի լավ իմացության դեպքում, կարող եք նույնպես դիմել և մասնակցել մրցույթին։
Երկրորդ նախապայմանը՝ աշխարհայացքի և կայուն համոզունքների շնորհիվ մրցույթի մասնակիցը դրսևորելու է սեփական գաղափարների, հայացքների և սկզբունքների նկատմամբ մեծ վստահություն և նպատակին հասնելու վստահելի հաստատակամություն։
Երրորդ նախապայմանը՝ գիտելիքները և հմտությունները մենաշնորհ չդարձնել։ Վերադարձից հետո փոխանցել տեսական և գործնական կերպով ուսանողներին նաև աշխատակիցներին։
Ցանկացողներին խնդրում եմ գրել հետևյալ էլեկտրոնային փոստին՝ marpatv@gmail.com
Մասնակցության համար դիմելու վերջնաժամկետն է 2024 թվականի օգոստոսի 20-ը։
Մանրամասն տեղեկատվության համար կարող եք ուսումնասիրել հետևյալ կայքը՝ Institut National du Patrimoine https://www.inp.fr/
Ստորև ներկայացնում ենք այն հմտություններն ու գիտելիքները, որոնք ձեռք են բերվելու Ֆրանսիայում վերապատրաստման շնորհիվ։
1․ ՌԵՍՏԱՎՐԱՏՈՐ- ՎԵՐԱԿԱՆԳՆՈՂ
Արվեստի ստեղծագործությունների վերականգնող/ռեստավրատոր/, ով նպատակ ունի վերականգնել հին ու քայքայված առարկայի սկզբնական տեսքը: Կախված ուսանողի մասնագիտությունից՝ նա կարող է աշխատել կահույքի, նկարի, կերամիկայի, վիտրաժի, քանդակի, հին գրքի, գոբելենի, հուշարձանի, լուսանկարների հետ։
2․ ՀԱՄԱԴՐՈՂ-ԿՈՒՐԱՏՈՐ
- Թանգարանների համադրողի գործունեությունն է, պահպանել, ուսումնասիրել, գույքագրել , հարստացնել և կարևորել այն հավաքածուները, որոնց համար պատասխանատու է, նպատակն է ապահովել ճանաչումը , որպես մենեջեր կազմակերպել վերականգնումը, անցկացնել սեմինարներ, ժողովներ, զբաղվել նմուշների ձեռքբերմամբ: Կազմակերպել ցուցահանդեսներ։
- Հնագիտության համադրող
- Պատմական հուշարձանների համադրող
Գրադարանների համադրող
- գրադարանի հավաքածուների ձեռքբերում, պահպանում ․
- ներդրում հանրային ընթերցանության առցանց հարթակի ստեղծման և հարստացման գործում.
- առցանց և in situ/տեղույն վրա/ ցուցահանդեսների կազմակերպում, համակարգում և մոնիտորինգ.
- տարբեր հանրային ընթերցանության վայրերում այցելուների համար առաջարկի կազմակերպում, համակարգում և մոնիտորինգ՝ համագործակցելով գրադարանավարների հետ.
- մուլտիմեդիա հավաքածուների հանրայնացում
- Հանրության համար բաց դասընթացների, կոնֆերանսների, նոր հրատարակությունների, ժողովածուների վերաբերյալ ներկայացում.
- Արխիվների, որը հավաքում է պետական կամ մասնավոր փաստաթղթեր, դասակարգում, պահպանում և հասանելի դարձնում հանրությանը։