ՀԳՊԱ-ի Հետազոտական կենտրոնը մասնակցել է «Doing Digital Forum 2023»-ին
ՀԳՊԱ-ի Հետազոտական կենտրոնը՝ թվային տեխնոլոգիաների վերաբերյալ միջազգային փորձի ուսումնասիրման շրջանակներում մասնակցել է «Doing Digital Forum 2023» միջազգային աշխատաժողովին։ Ֆորումի շրջանակներում Հայաստանում առաջին անգամ հյուրընկալվել էր թվային տրանսֆորմացիայի և ֆինթեքի միջազգային փորձագետ Քրիս Սքիները։ Բացի այդ, տեղացի և արտասահմանյան հեղինակավոր մասնագետների կողմից ներկայացվել են թվային տրանսֆորմացիայի ժամանակակից մոտեցումների և գաղափարների տեսլականը, բացահայտվել են NFT կոնցեպտի և Metaverse-ի հնարավորությունները։
«Doing Digital Forum 2023»-ի մասնակից 15-ից ավելի տարբեր ոլորտի խոսնակներ կիսվել են թվայնացման իրենց պատկերացումներով և լավագույն փորձով, վերլուծել տեղեկատվական տեխնոլոգիաների հիմնական միտումները, ինչպես նաև դիտարկել առաջնորդների դերը տրանսֆորմացիայի վարման գործում։ Այս ամենի համադրումն ու վերլուծութունն առաջիկայում կներկայացվի ՀԳՊԱ-ի Հետազոտական կենտրոնի կողմից նաև ՀԳՊԱ-ի ուսանողներին և դասախոսներին։
Ֆորումի ավարտին ՀԳՊԱ-ի Հետազոտական կենտրոնի ղեկավարի կողմից «Doing Digital Forum 2023»-ի կազմակերպիչների և կրիպտոարժույթային «Fastex» ընկերության հետ ձեռք են բերվել երկուստեք շփումների սերտացման նախնական պայմանավորվածություններ։
